Грижата за домашните растенија понекогаш може да изгледа комплицирана. Наводнувањето е особено деликатна тема бидејќи понекогаш е потребно време да се открие што му одговара на кое растение. Она на што можеби нема да помислите е дека исто така е важно со каква вода ги наводнувате вашите внатрешни растенија.
На некои места има чести предупредувања да не пиете нефилтрирана вода од чешма, па можеби се прашувате дали е во ред да ја користите таа вода за вашите зелени миленичиња? Хортикултуристот Џастин Хенкок објасни за Real Simple дека во повеќето случаи е сосема во ред да се користи вода од чешма за домашни растенија.
Тој објаснува дека има ретки ситуации каде што може да има поголемо количество флуор во водата што може да влијае на некои од растенијата чувствителни на флуор. Сепак, дури и да се најдете во таква ситуација, можете да ја „разблажите“ водата од чешма со дестилирана или флаширана вода, за да ја доведете концентрацијата на флуор на прифатливо ниво.
Дали постои најдобар тип на вода за растенијата?
Хенкок вели дека дождовницата обично се смета за најдобра бидејќи е природна, но „во огромното мнозинство на места, водата од чешма, дождовницата, флашираната вода итн. се сосема добри“.
„Да бидете внимателни да не користите премногу или премалку вода на вашите домашни растенија е многу поголем проблем од типот на вода“, вели експертот.