За да подготвите пинџур, ви треба:
3 килограми пиперки,
1,5 килограми домати,
70 милилитри јаболков оцет,
150 милилитри масло,
50 грама шеќер,
една лажица сол,
зачини по вкус (свеж или сув магдонос, гранули од кромид, босилек…)
Подготовка на пинџур:
Изберете месести, здрави црвени пиперки со порамна површина за полесно печење. Можете да печете пиперки во рерна на хартија за печење ако живеете во стан. Домаќинките кои имаат двор најчесто тоа го прават надвор. Ефектот е сосема ист и не влијае на вкусот на пиперката.
Откако ќе ги испечете пиперките, ставете ја фолијата во поголем сад, па покријте ги пиперките и затворете ја фолијата за да не навлезе воздух. Печените пиперки оставете ги преку ноќ убаво да се изладат и да се варат на пареа, така многу полесно ќе ги излупите.