Актерката Сатон Фостер поднесе барање за развод од нејзиниот сопруг, сценаристот Тед Грифин, со кој беше 10 години, што ги поттикна гласините во Холивуд. Имено, веќе некое време се шушка дека Фостер започнала тајна романса со познатиот „Вулверин“, Хју Џекмен. Барањето за развод дојде само неколку месеци откако Фостер го продаде својот луксузен имот во Њујорк за 2 милиони долари. Актерката, која се појави заедно со Џекмен во огромниот бродвејски хит „The Music Man“, го купила тој имотот со седум спални соби и пет бањи во 2021 година за 1,6 милиони долари.
Но, сега на бракот му дојде крајот, па беше донесена одлука да се продаде куќата во која таа, нејзиниот сопруг и нивната 7-годишна посвоена ќерка Емили уживаа. Извори блиски до Џекмен и Фостер деновиве не престануваат да откриваат сочни детали за природата на нивната врска, откривајќи дека тие „се кријат насекаде и го поминуваат целото слободно време заедно“, пренесува „Дејли мејл“.
“Тие го поминуваат целото слободно време заедно. Тие се вистински пар, само сакаат да го чуваат тоа приватно”, рекол извор близок на парот, кој тврди дека тие се неразделни.
Шпекулациите за врската на парот започнаа во круговите на Бродвеј кога Фостер и Џекмен работеа заедно повеќе од една година во „The Music Man“. Партнерството траеше од декември 2021 година до јануари 2023 година, а неколку извори потврдија за „Пејџ сикс“ дека парот тогаш се заљубил.
„Тие се 100 отсто заедно, заљубени се и сакаат да го поминат остатокот од животот заедно“, рекол изворот. Џекмен претходно ја пофали нивната соработка, велејќи во тоа време дека работата со Сатон Фостер е „како сон“.
И на црвениот тепих на наградите „Тони“ во јуни 2022 година, Фостер и Џекмен изгледаа многу блиски. Актерката ја задржа насмевката на лицето додека беше во негово друштво, а тој ја користеше секоја прилика да ја прегрне додека позираа.
Експертот за говор на телото Луиз Малер го анализираше нивното однесување и рече дека „работите меѓу нив би можеле да бидат сериозни“, објави австралиски „Дејли мејл“.
“Тоа се двајца среќни луѓе кои се очигледно среќни поради оваа блиска интимност. Нивните тела постојано се привлекуваат едно кон друго, нејзината глава е потпрена на неговото рамо. Тие се смеат, тоа е толку посебен и убав момент. Ова може да биде сериозно.” таа со овие зборови искоментира дека е Малер на нивните фотографии од црвениот тепих.
Да потсетиме дека во септември 2023 година, Џекмен поднесе барање за развод и од Дебора-Ли Фурнес, со која беше во брак 27 години, во кои имаа две деца.