Доколку сакате да го посетите Фугереј, ќе треба да платите билет кој чини четири пати повеќе од изнајмување стан за цела година…
Секој кој барал стан во Берлин, Даблин, Париз, знае какви се цените за изнајмување.
Сепак, има и други примери. Иако звучат како нешто од рубриката „верувале или не“, тие доаѓаат од реалниот живот. Поточно, од идиличната германска населба Фугереј, каде што цената за изнајмување стан не е променета од 16 век и изнесува 88 центи годишно, пренесува Punkufer.hr.
Населбата од соништата се наоѓа во баварскиот град Аугсбург. Тој е и еден од најстарите градови во Германија, за што сведочи и неговото име: имено, основан е по наредба на римскиот император Август како воен логор. И тогаш тука живееле околу 10.000 луѓе, а потоа станал еден од најголемите градови на Светото Римско Царство.
Тоа бил центар на трговијата, индустријата и производството на ткаенина, уметничката оаза на бројни сликари и музичари, родното место на посебен рококо стил наречен „стил на Аугсбург“, неговите водоводи беа вклучени во списокот на светско наследство на УНЕСКО во Европа.
Сепак, иако просперитетен, градот имал свој дел од сиромашни граѓани. За нив се грижела влијателната и моќна банкарска фамилија Фугер, која во 16 век инвестирала пари во изградба на специјална населба Фугереј за не толку богатите. Меѓу нив имало вдовици, бездомници и осиромашени занаетчии, но не и питачи.
За да станат жители на Фугереј, тие морале да исполнат неколку услови: да поминат најмалку две години живеејќи во Аугсбург, да бидат од католичка вероисповед и да имаат доказ за чисто досие. Интересно е што еден од жителите бил прадедо на славниот Моцарт, во чија чест денеска е поставена спомен плоча.
View this post on Instagram
Жителите на населбата би плаќале на фондацијата годишна кирија од само 88 центи, а освен тоа, од нив се барало да „изведат“ три молитви дневно за членовите на семејството Фугер и да вршат хонорарна општествено корисна работа. Големо значење се придавало на духот на заедништво и солидарност, кој се чувствува и денес. Жителите си прават услуги, си помагаат и се дружат.
Така Фугереј стана најстарата социјална населба во светот. Но, за оние кои би можеле да злоупотребат нечија добра волја, треба да се забележи: основниот принцип на помагање на жителите е да им се помогне на луѓето сами да си помогнат. Така, таму се додека не застанат на нозе и можат сами да се иселат, па потоа им отстапуваат место на другите на кои им е потребно.
Денес има околу седумдесет куќи, или околу 150 станови. Површината на становите е околу 60 метри квадратни, а тие на приземје имаат и двор. Овој град во град е опкружен со ѕидини уште од средниот век и има пет порти кои и денес се затворени секоја вечер. Тука за гостите се организира музеј и продавница за сувенири.
Доколку сакате да го посетите Фугереј, ќе треба да платите билет чија цена е осум пати повисока од изнајмувањето стан за цела година – така што ќе треба да потрошите дури 8 евра.