Што се однесува до истегнувањето, според професионалните фитнес експерти, повеќето луѓе имаат тенденција да го прескокнуваат овој многу важен дел од нивниот тренинг. Оправдувањето за прескокнување на истегнување го наоѓаме во недостаток на време, во тоа што мислиме дека сме веќе „доволно флексибилни“, како и во едноставниот заборав и тоа што го сметаме за непотребно. Сепак, правите голема, а можеби и непоправлива штета на вашето тело ако го прескокнете истегнувањето. Денеска ви ги пренесуваме главните придобивки од истегнувањето, за што вашето тело ќе ви биде многу благодарно.
Намалување на болката во мускулите
Сите го знаеме тоа чувство кога мускулите долж телото се затегнати, болни и кога се чувствувате вкочанети после тренинг. Оваа болка е всушност благ излив на мускулни грчеви и други отпадни производи како што е млечна киселина кои се јавуваат како резултат на вежбање. Ако им се дозволи на овие супстанции да се акумулираат во телото, ќе доживеете неверојатна болка и вкочанетост ден по тренингот. Истегнувањето може да помогне во ублажување на оваа болка со издолжување на мускулните влакна и отстранување на отпадните производи преку зголемена циркулација. За време на клеточната размена и отстранувањето на отпадните производи, мускулите истовремено примаат хранливи материи и протеини, што го одржува мускулното ткиво здраво и подготвено за нови форми на вежбање.
Подобра циркулација на крвта
Истегнувањето многу ефикасно ја подобрува циркулацијата на крвта во телото. Ова резултира со подобар проток на крв во вашите мускули. Подобрата циркулација автоматски значи зголемена испорака на хранливи материи кои се неопходни за мускулното ткиво, како и отстранување на отпадните материи и токсините.
Го подобрува вашиот опсег на движење
Кога доволно се истегнувате, си дозволувате поголема способност за слободно движење и помал ризик од повреда за време на тренингот. Овие повреди најмногу се однесуваат на оние во областа на мускулното ткиво и тетивите. За време на истегнување, вие всушност ги истегнувате вашите мускули и чувствувате помала напнатост во нив, проширувајќи го опсегот на движење.