Нетфликс објави нов трејлер за новата сезона на популарната серија Squid Game. Веќе има 900.000 прегледи.
„Три години по победата на Squid Game, играчот 456 останува решен да ги пронајде луѓето зад играта и да стави крај на нивниот маѓепсан спорт. Играчот 456 го користи своето освоено богатство за да ја финансира својата мисија, а кога неговите напори конечно ќе вродат со плод, патот до рушење на организацијата се покажува посмртоносен отколку што замислувал. За да ги спречи засекогаш, тој мора повторно да влезе во игра“, се вели во синопсисот.
Втората сезона на извртената корејска серија за преживување излегува на стриминг платформата на 26 декември. Главните улоги ги толкуваат Ли Јунг-Џе, Парк Хе-Со и Хо-ион Јунг. Првата сезона на Squid Game влезе во историјата на Нетфликс во 2021 година. Стана најгледана серија во 94 земји.
Првата сезона доби 14 номинации за наградата Еми, а Ли стана првиот азиски актер кој освоил Еми за извонреден главен актер во драмска серија за улога на неанглиско говорно подрачје, пренесува Индекс.