Лошите навики кои скоро сите ги имаме може многу да влијаат врз зголеменото ниво на шеќер во крвта. Лошата исхрана не е единствениот виновник.
Високото ниво на шеќер во крвта може да произлезе од лоша исхрана, но и од лошите животни навики.
Иако често првата асоцијација кога ќе се помисли на зголемено ниво на шеќер во крвта е исхраната, таа сепак не е единствениот виновник.
Различни животни навики и случувања, кои не се поврзани со исхраната, можат да влијаат и на начинот на кој телото го регулира шеќерот.
Во продолжение дел од нив:
Стрес
Во стресни ситуации, телото ги ослободува хормоните адреналин и кортизол.
Овие хормони ја зголемуваат будноста и производството на енергија, предизвикувајќи скок на шеќерот во крвта.
Овој привремен скок е потребен за да се справите со стресот, но проблемот настанува кога стресот станува хроничен.
Стресот од работата, финансиските грижи, врските или секојдневните предизвици, може да го зголеми нивото на шеќер во крвта на долг рок.
Пробајте техники за управување со стресот: медитација, јога, ароматерапија или суплементи како лаванда.
Лош сон
Недостатокот од сон може да го зголеми нивото на кортизол во текот на денот, што доведува до зголемување на гликозата, а тоа го спречува телото ефикасно да го регулира високиот шеќер во крвта.
Недостатокот на сон исто така може да влијае и врз хормонот за глад и да ве направи погладни во текот на денот и помалку сити после јадење.
Спиењето седум-осум часа навечер може значително да придонесе за одржување на рамнотежата на нивото на шеќер во крвта.
Недоволна физичка активност
Мускулите користат гликоза како гориво за време на вежбањето, така што редовната физичка активност може да помогне во одржувањето на рамнотежата на шеќерот во крвта.
Дури и одењето или стоењето неколку минути по оброкот може да има значително влијание врз нивото на гликоза.
Вклучете кратки прошетки во текот на денот и редовно правете кардио вежби кои ќе го одржуваат нивото на шеќерот во крвта.
Времето кога јадете
Освен што јадете, важно е и кога јадете.
Телото има тенденција да биде метаболички поактивно наутро, што значи дека е поподготвено ефикасно да ја разградува храната, да ја исчисти гликозата од крвта и потоа да ја користи.
Оброците доцна навечер, непосредно пред спиење, се повеќе поврзани со претерана и продолжена реакција на гликоза во крвта отколку јадење на истиот оброк само четири часа порано истата вечер.
Вечерата е обично најголемиот оброк во денот за повеќето вработени луѓе, затоа размислете да ја преместите порано или пообилно да јадете на појадок и ручек.