Можеби звучи познато следното сценарио: запознавте убаво момче, се гледате неколку недели, месеци или дури една година. А со сето тоа, има некои прашања кои не ви даваат мир: „Во која фаза сме, дали сме пар, дали сме во сериозна врска?“
Воопшто не е пријатно и е знак дека во основа немате врска во вистинска смисла на зборот. Може да биде фрустрирачки да сакате нормална и убава врска, но сепак да бидете заглавени во недефинирана врска која се чини дека нема иднина.
На ТикТок се појави „Правилото 333“, кое може да спречи токму такви ситуации. Ќе ви помогне да поставите некои граници за никогаш да не бидете во „двосмислената зона“ и да бидете подготвени да се откажете доколку нема надеж за нешто сериозно.
Како функционира правилото 333
Трикот за состаноци на корисникот на TikTok „@shadierecinos“ е прилично едноставен: 3 состаноци, 3 недели, 3 месеци. Сето ова време, вели тој, треба да одредите дали гледате долгорочен потенцијал кај партнерот или не.
По 3 состаноци
„Не треба да ви требаат повеќе од 3 состаноци за да сфатите дали сте привлечени еден кон друг“, вели тој.
По 3 недели
Во тој момент веројатно малку повеќе комуницирате и сте излегле на неколку состаноци заедно. Тоа треба да ви помогне да видите дали постои реален потенцијал за врска и дали има хемија меѓу вас. Запрашајте се: дали можете да замислите иднина со оваа личност? Ако одговорот е да, тогаш продолжете. Ако одговорот е негативен, време е да се откажете.
По 3 месеци
„Не треба повеќе од 3 месеци за двајцата да разберете дали сте, всушност, во врска во вистинска смисла на зборот или не“, рекол Ресинос.
А ако не, тој вели дека треба да се разделите со взаемна согласност, за да избегнете двосмислени или болни ситуации во иднина. Се разбира, врските не се егзактна наука и правилото 333 не важи секогаш за сите.
„Некои луѓе се движат побавно, други се движат побрзо. Но, на крајот, она што е најважно е вие двајцата да можете да комуницирате еден со друг, без разлика какви се вашите потреби, без разлика во кој момент е. Излезете од вашата комфорна зона и научете да водите тешки разговори“, рекол тој.
Во коментарите на видеото кое го објави Ресинос, мислењата се исто така поделени, што докажува дека не сите веруваат дека такви правила можат да се применат во секоја ситуација. Но, она што може да го направи Правилото 333 е да ви даде јасна цел и рок да одлучите дали вреди да ја продолжите врската која штотуку започна.
@shadierecinos If you’re single and dating with intention, I want you to listen to my 333 rule.