Ако сакате да инвестирате во зимска гардероба, тогаш можеби ќе ве интересира кои бои прават зимската облека визуелно да изгледа значително поскапа отколку што всушност е.
Не е тајна дека бојата многу влијае на изгледот на одредена облека или аксесоари, а класичната зимска палета на бои вклучува нијанси кои го прават секое парче пософистицирано.
Темно кафеава
И додека за таа нијанса на кафена ретко има место во летните комбинации, таа е многу застапена во зимските изданија. Темно кафеав капут, сако, јакна, волнени панталони, џемпер… Сето ова се одлични додатоци на зимската гардероба.
Беж
Сè е веќе кажано за оваа сакана боја. Доколку сакате да додадете капут во вашата зимска гардероба, направете го модел во беж боја, бидејќи со оваа класика едноставно не можете да погрешите. Секако, сите останати парчиња во тие нијанси ќе изгледаат елегантно, софистицирано и – поскапо.
Сива
Апсолутна кралица на неутралните зимски бои. Тоа е всушност светол еквивалент на саканата црна боја. Во ситуации кога би сакале да облечете нешто црно, но сакате малку да го ублажите впечатокот, тоа најлесно ќе го постигнете со избирање сиви парчиња.
Бордо
Позната и како боја на расипана вишна или боја на црвено вино, бордо бојата е одлична за зимски комбинации, особено кога е комбинирана со другите бои на оваа листа.
Портокалова
Една малку неочекувана боја на листата е портокаловата. Иако визуелно повеќе би ја поврзале со лето, во зимските изданија изгледа многу добро. Топло е и ќе додаде малку „зачин“ на секое издание и ќе биде одличен контраст со неутралните нијанси.
Морнарско сино
Иако црната боја е составен дел од зимската палета, изберете тегет нијанси доколку сакате понежен пристап.
Покрај тоа што зимската гардероба ќе изгледа поскапа благодарение на оваа нијанса, тегет сината изгледа фантастично во комбинација со бели, беж и сиви парчиња, па лесно ќе ја комбинирате со остатокот од вашата гардероба.
Крем бело
Крем белата или бледо белата е верзија на белата боја која има потопол тон. Со оглед на тоа дека е неутрална боја, речиси сите бои одлично и прилегаат, а при комбинирање особено земете ги во предвид кафената, сивата, белата и сината.
