Четирикратниот светски шампион во Формула 1, Холанѓанецот Макс Верстапен во петокот објави дека го очекува своето прво дете со Кели Пике, ќерката на бразилскиот троен шампион Нелсон Пике.
„Мини Верстапен-Пике на пат. Не можевме да бидеме посреќни со нашето мало чудо“, објави парот заедно на Инстаграм пред последната трка сезонава во Абу Даби.
View this post on Instagram
Тоа ќе биде второ дете за Кели Пике, која имаше ќерка со рускиот поранешен возач на Ред Бул, Даниил Квјат во 2019 година.
Холандскиот возач Верстапен ја освои својата четврта последователна титула со Ред Бул во Лас Вегас минатиот месец.