Ако не сте задоволни од начинот на кој партнерот ве третира во врската, размислете за промена. Не се обвинувајте себеси, туку обидете се да најдете разумно решение. Има неколку одлични совети како да се засилите и да не се задоволите со лоша врска.
Според Yourtango, петте основни верувања им помагаат на самоуверените и среќни жени никогаш да не се задоволни со токсични врски:
Тие веруваат дека заслужуваат подобар партнер
Престанете со се што правите и погледнете се во огледало. Личноста што ја гледате е достојна за љубов. Престанете да се убедувате во спротивното. Не гледајте на вашите маани како пречка за внимание и искрена љубов. Совршенството не постои, затоа не мора да бидете совршени за да ве сакаат.
Тие објективно ја оценуваат нивната врска
Реалистично погледнете ја вашата врска. Вистински партнер е оној кој ви помага да станете подобра верзија од себе, ги поддржува вашите страсти и придонесува за вашата среќа. Не треба да се чувствувате несоодветни за љубовта. Љубовта е прифаќање на тоа што сте, не само она што го правите за некого.
Прифаќаат дека не можат да го променат партнерот
Не се обидувајте да го обликувате партнерот според вашите очекувања. Тој е индивидуа со свои карактеристики и убедувања. Луѓето се менуваат само кога сакаат и кога се подготвени за тоа. Вашата фрустрација или очекувања нема да го променат нивното однесување, туку само ќе ви наштетат.
Тие не се обидуваат да поправат сè
Не е ваша работа да преземете одговорност за сè во врската, особено ако врската не функционира. Раскинувањето и разводите се тешки, но останувањето во несреќна врска само поради страв од непознатото може да биде многу полошо. Преземањето ризици е дел од животот и само така можете да ја откриете неговата убавина.
Тие знаат кога е време да продолжат понатаму
Ако се чувствувате лошо за врската, прекинете ја. Не ги шпионирајте бившите на социјалните мрежи бидејќи само ја продолжувате агонијата. Потребна ви е јасна разделба за да се ослободите од минатото и да ја отворите вратата кон иднината.
Не можете да започнете ново поглавје од вашиот живот ако продолжите да го препрочитувате старото. Прифаќањето на минатото како што е е клучот за создавање посреќна иднина. Бидете искрени со себе и сфатете дека работите не одат секогаш според планираното – но тоа не е причина да се откажете од среќата.