Ако сте под стрес, можеби малку „шопинг терапија“ може да ви помогне. Носењето облека во „смирувачка“ боја може да донесе трајно чувство на мир и рамнотежа во вашиот ден. Различните бои можат да влијаат на нашето расположение, објаснува Мишел Луис, експерт за психологија на бои и основач на „The Color Cure“, пишува New York Post.
Иако жолтата може да го подигне вашето расположение, а розовата може да создаде чувство на удобност, зелената е клучна за чувството на рамнотежа. „Зелената е примарна боја во психологијата која ја балансира црвената, жолтата и сината“, изјави Луис за Business Insider. “Дали сте премногу под стрес? Зелената ќе ве смири. Се чувствувате лошо? Оваа боја може да ви го подигне расположението.” Луис исто така истакнува дека зелената боја смирува и ни помага во емоционалниот развој, па затоа сака да ја носи.
Носењето бои за да се чувствувате подобро е дел од „допаминското облекување“ или користењето облека за подобрување на расположението. Психологот и мајстор за Реики Елен Албертсон изјави за VeryWell дека носењето зелено може да донесе чувство на релаксација и смиреност. Студиите ја поддржуваат оваа теорија – студија од 2017 година покажа дека престојот во зелена средина е поврзан со намалување на крвниот притисок и побавно отчукување на срцето.
Ако зелената боја не ви е привлечна, сината може да има и смирувачки ефект. „Сината боја релаксира и може да помогне да се намали стресот, додека црвената е стимулирачка“, објаснува Албертсон. Луис додава дека носењето сина боја може да го забави отчукувањата на срцето и да го намали крвниот притисок, а сите нијанси на сино даваат позитивно влијание.