Сексот е индивидуална и многу интимна работа. Тоа е чин при кој телото претрпува бројни промени. Иако секоја од нас има различни желби и потреби, телото на речиси сите жени реагира на многу сличен начин.
Една од овие реакции е потребата за мокрење после секс. Кај некои жени тој може да биде многу силен и непосреден, додека кај други се појавува по неколку минути. Никогаш не треба да ја игнорираме оваа потреба.
Зошто уринираме после секс?
Нашето тело е многу софистицирана машина чија улога е да не заштити што е можно повеќе од потенцијалните опасности кои демнат во нашата околина. Една од овие опасности лежи во бактериите. Имено, за време на сексуалниот однос, телото е изложено на бројни бактерии, кои можат да се „кријат“ на места каде што не ги сакаме.
Урологот д-р Невен Капун објаснува како воспалението на мочниот меур е директно поврзано со сексуалниот однос.
За време на сексуалниот однос, бактериите се шират преку уретрата до мочниот меур, што може да доведе до акутно воспаление на уринарниот тракт кај жените. Со мокрење после секс, ние всушност го „чистиме“ или исплакнуваме уринарниот тракт од бактерии, истакнува Капун.
Затоа, доколку по сексот почувствувате силен нагон за мокрење, одложете го гушкањето за неколку минути и слушајте го вашето тело.