Пиемонтскиот слаткар Дарио Хартвиг создаде панетоне со кристали Сваровски за божиќните празници, објавија италијанските медиуми.
Торта обложена со златна фолија и украсена со кристали чини 900 евра по килограм. Кристалите го красат и пакувањето на оваа традиционална божиќна торта во Италија.
Во понуда има и панетоне обложено со сребрена фолија – за 300 евра.
Ова не е првпат Хартвиг да воодушевува со своите ексклузивни креации. Тој еднаш направил панетоне со вистински дијаманти во вредност од 300.000 евра за руски клиент.
Italian 🇮🇹 luxury bakery
The most expensive Panettone in Italy, covered in gold and Swarovski crystals
Here’s the story behind it 🧵 pic.twitter.com/LtViX9MjTP
— Mambo Italiano (@mamboitaliano__) December 21, 2024
Неколку години подоцна, еден индиски клиент нарачал божиќна торта украсена со дијамантска нараквица и дијадема за 700.000 евра. Ваквите креации се направени само по нарачка, а дијамантите ги набавува купувачот, рече Хартвиг.
Панетоне (колач од кисело тесто со бадеми, суво грозје и зашеќерено овошје) и пандоро (ѕвездена торта со путер со шеќер во прав) се јадат во многу семејства од почетокот на декември до новогодишната ноќ – или за појадок со чаша капучино или како десерт после вечера со чаша пенливо вино.