Еден напуштен салон во застапништво на БМВ од 1988 година, кој се наоѓа во Онтарио, Канада, се нема променето од дотичната година, па до ден-денес. Во салонот сè е недопрено од времето кога било оставено некаде во осумдесетите.
Возилата, просторот и осветлувањето, сè е од тоа време, а цели 23 години ништо не се променило, освен што просторот редовно се чисти и одржува.
Во салонот се наоѓаат два модели на БМВ, кои стојат недопрени и светнати уште од 1988 година. Се работи за моделите 635 цси бела боја и еден модел од серијата 5 Е24.
Сопственикот морал во 1988 година да го затвори салонот од причина што ја изгубил лиценцата и отворил друг салон во Торонто. Сепак, првиот салон никогаш не бил продаден. Случајните минувачи и и соседите велат дека во сервисот често доаѓа некој човек во црно БМВ, но не знаат со сигурност дали е тоа сопственикот на салонот.
Откако приказната за “проколнатиот” салон на БМВ се нашла меѓу новинарите и го обиколила светот, набрзо се дознава дека позади сето ова стои човек во раните шеесетти години, кој вози светло син 733i.
Еден човек вели дека него гласините не го интересираат и на прашањата на љубопитните одговорил со следнава реченица – морате да бидете луди како него за да уживате во поседувањето на вакво место.
Новинарите кои се занимаваат со автомобили сметаат дека самата зграда во овој момент е поинтересна како историски споменик на БМВ, отколку како продажно место.