Постапокалиптичната хорор серија „The Last of Us“ доби второ продолжение, кое ќе излезе во април оваа година.
Првата сезона од серијата започна да се емитува во 2023 година, а се базира на популарната видео игра со истото име, развиена од студиото Naughty Dog. Серијата е сместена во пост-апокалиптичен свет, 20 години по ширењето на габична инфекција која ги претвора луѓето во агресивни суштества слични на зомби.
Во првата сезона, Џоел мора да ја одведе тинејџерката Ел во институт на другата страна на Соединетите држави за научниците да откријат зошто Ел е имуна на смртоносна инфекција.
Втората сезона се одвива неколку години по завршувањето на првата сезона и е инспирирана од видео играта „The Last of Us Part 2“.
Новиот тизер започнува со поглед на ликот Аби, која е главниот негативец на новата сезона, набргу по трагичниот настан од последната епизода од првата сезона. Аби ќе бара одмазда за убиството на нејзиниот татко во претстојната сезона.
Тизерот го претстави ликот на Исак Диксон, кој го игра Џефри Рајт. Диксон е водач на воената организација со која работи Аби. Прикажана е и танцова сцена помеѓу Ела и нејзината партнерка Дина, која го означила почетокот на нивната врска.
Серијата „The Last of Us“ е еден од најголемите телевизиски хитови во последните неколку години, а многу гледачи ја сметаат за најдобра адаптација во живо на видео игра.
Во пресрет на втората сезона, многу гледачи рекоа дека трејлерот е одличен и дека серијата изгледа врвна.
Серијата „The Last of Us“ беше номинирана за 24 Еми награди, од кои освои осум.