Легендарниот Дик Ван Дајк (99) смета дека неговиот активен животен стил е заслужен за неговото здравје и долговечност, пишуваат странските медиуми.
Во најновата епизода од подкастот „Where Everybody Knows Your Name“, актерот истакна дека вежба три пати неделно.
– Се спуштам и се истегнувам многу – рече тој и додаде дека освен што вежба на различни уреди, вежба и јога, а се уште ужива во танцувањето.
Тоа го потврди Тед Досон, ѕвездата на ситкомот „Cheers“ кој по неколкунеделно набљудување го праша Ван Дајк за неговата рутина за вежбање.
– Ќе ве видам во теретана како вежбате на машина со тегови. Потоа, наместо да одите до следната машина, ќе танцувате – воодушевено рече Досон. Тој додаде дека Ван Дијк му открил дека после теретана дома се уште плива во базен.
Минатата година, во пресрет на неговиот 98-ми роденден, Ван Дајк беше виден како ја напушта теретаната со неговата сопруга Арлин Силвер. Се пошегува дека сопругата го „присилува“ да вежба, иако тој „го мрази тоа“.
Во интервју за NPR во 2015 година, Ван Дајк призна дека најтешкиот дел од стареењето е откажувањето од омилените активности, па затоа повеќе не може да игра тенис како порано.
Во подкастот тој најави голема прослава за својот 100-ти роденден на 13 декември 2025 година, за разлика од минатогодишната скромна забава.
– Доволно сум стар за да бидам татко на поранешниот претседател Џо Бајден – се пошегува Ван Дајк минатиот месец на „Џими Кимел Лајв“, покажувајќи дека стареењето за него не е табу тема.
Тој има четири деца со неговата покојна сопруга Марги Вилет, по чија смрт се оженил со Арлин Силвер, со која се уште е во брак.