Урмите се вкусно и многу хранливо овошје, кое на различни начини позитивно влијае на нашиот организам.
Според списанието Frontiers in Plant Science, плодовите од урми се всушност бобинки и се богати со антиоксиданси и хранливи материи кои имаат моќни терапевтски својства. Урмите се богати со витамини, антиоксиданси, лесно сварливи шеќери и микронутриенти.
Антиоксидансите ја спречуваат штетата предизвикана од слободните радикали, нестабилните молекули кои можат да имаат негативни ефекти врз телото и да доведат до болести. Во споредба со слични видови на овошје, како што се смокви и сливи, урмите имаат најголем удел на антиоксиданси.
Она што е важно да се истакне е дека урмите содржат флавоноиди. Тие се моќни антиоксиданси кои го намалуваат воспалението и ризикот од дијабетес, Алцхајмерова болест и одредени видови на рак. Освен флавоноиди, содржи и фенолна киселина, која има силни антиинфламаторни својства и го намалува ризикот од рак и срцеви заболувања.
Исто така, содржат каротеноиди, кои го промовираат здравјето на срцето и го намалуваат ризикот од нарушувања поврзани со очите, како што е макуларна дегенерација.
Урмите меџул имаат приближно 66 калории, а порција од 30 грама обезбедува 30% од дневните потреби за влакна. Како што созреваат, нивото на шеќер му се зголемува. Пулпата содржи околу 70% шеќер, така што една урма има 18,6 грама шеќер, што е главно гликоза, фруктоза и сахароза.
Урмите се богати со витамини Б, А и К, бакар, манган, магнезиум и калиум. Нивното редовно консумирање го зајакнува имунолошкиот систем, го подобрува здравјето на забите и го спречува ракот, поради високото ниво на селен. Покрај тоа, тие се богати со протеини и растителни влакна и содржат 23 различни аминокиселини, кои го помагаат варењето и го зголемуваат чувството на ситост.
Одлични се за дијабетичари бидејќи имаат низок гликемиски индекс и не предизвикуваат брзи и големи флуктуации на нивото на гликоза во крвта.
Урмите се богати со влакна, па го подобруваат варењето. На 100 грама, урмите може да имаат помеѓу 3,5 и 11 грама влакна, кои главно се нерастворливи. Тие дејствуваат како пробиотици и го зголемуваат бројот на здрави бактерии во цревата, а со тоа го подобруваат здравјето на дебелото црево.
Одлична закуска се пред тренинг и здрава опција по тренинг, бидејќи содржат повеќе шеќер од многу други овошја, но тоа е природен шеќер. Овие шеќери се лесно преработени од телото и се користат за енергија.
Богати се со фенолни соединенија кои го намалуваат нивото на холестерол и триглицериди, а утврдено е дека содржината на шеќер не го зголемува нивото на гликоза во крвта.
Покрај тоа, тие се богат извор на калиум, магнезиум и антиоксиданси кои го подобруваат здравјето на срцето. Исто така, екстрактите од овошјето од урма ефикасно го обновуваат срцевото ткиво по срцев удар.
Урмите се богати со калциум и фосфор, кои тесно соработуваат во градењето силни коски и заби. Нашите коски и заби содржат 85% од фосфорот во телото и тој е потребен за раст, одржување и поправка на сите ткива и клетки и за производство на генетските градежни блокови, ДНК и РНК. Исто така го одржуваат балансот на другите витамини и минерали, како што се магнезиум, витамин Д, јод, цинк.
Антиоксидансите во урмите го штитат црниот дроб, го поправаат оштетувањето на црниот дроб предизвикано од токсините. Високите нивоа на антиоксиданси во урмите го подобруваат здравјето на мозокот и ги штитат мозочните клетки од оштетување преку борба против воспалението и намалување на оксидативниот стрес. Затоа, ова овошје ја спречува Алцхајмеровата болест и го намалува оштетувањето на меморијата.
Високата содржина на влакна и здрав шеќер помагаат во процесот на слабеење. Сепак, земете го предвид фактот дека една урма содржи 66 калории, затоа не јадете премногу урми дневно.
На крај, урмите се одлични за време на бременоста, па дури и го олеснуваат породувањето. Особено кога се консумира во последниот триместар. Нивното секојдневно консумирање го скратува времетраењето на породувањето, а во многу случаи се избегнува потребата од окситоцин за почеток на породувањето.