Колачот со гриз и јаболка не потсетува на детството, бидејќи е вкусен и омилен кај децата. Лесно се прави и често беше присутен на нашите трпези додека растевме.
Состојки:
4 јајца
полна чаша гриз
чаша јогурт
50 мл масло
две јаболка
100 гр суво грозје
половина лажичка прашок за пециво
100 гр шеќер
малку цимет
ванилин шеќер
Подготовка:
Јајцата се матат со шеќер, се додава гризот со прашокот за пециво, маслото, ренданите јаболка, јогуртот, сувото грозје и циметот.
Сè полека измешајте, па истурете во намрсен плех и печете на 200 степени околу 40 минути.
Откако колачот е готов, посипете го со шеќер во прав.