Правилното одмрзнување на месото е од суштинско значење за зачувување на неговиот вкус и текстура, но и за здравјето на секој што го консумира.
Иако многу луѓе го користат методот на одмрзнување на месото во топла вода, експертите предупредуваат дека тоа не е најдобриот избор. Топлата вода создава идеални услови за размножување на бактерии, кои можат негативно да влијаат на квалитетот на месото и да предизвикаат здравствени проблеми.
Освен тоа, месото одмрзнато во топла вода нема да се одмрзне рамномерно, што може да ја оштети неговата структура и да го промени вкусот на подготвената храна.
За да ги избегнете овие проблеми, најдобро е месото да се одмрзне во ладна вода. Овој метод обезбедува рамномерно одмрзнување, што го задржува месото во неговата текстура и вкус.
За правилно одмрзнување, месото треба да се завитка во кеса за да се спречи изложување на влага, а потоа да се потопи во ладна вода. Оваа постапка нема негативно да влијае на квалитетот на месото и е безбедна за вашето здравје.
За најдобри резултати, менувајте ја водата на секои 30 минути за да ја одржувате ладна. Овој метод на одмрзнување може да потрае малку подолго отколку во топла вода, но е многу побезбеден и поефективен за зачувување на квалитетот на месото.