Мачките се познати по тоа што се пребирливи за храна и во овие случаи важно е да се најдат начини да ги поттикнете да јадат.
Ако одбивањето храна трае подолго од вообичаената пребирливост, важно е да ја однесете мачката на ветеринар, бидејќи причината за одбивањето храна може да биде здравствен проблем.
Мачките често избираат храна врз основа на нејзиниот мирис, а малку загревање на храната може да го подобри нејзиниот мирис и да ја направи попривлечна. Ако мачките јадат сува храна, се препорачува да се обидете да додадете малку „влажна“ храна, пилешка супа или туна.
Остатоците од старата храна можат да одвратат мачка, па затоа е важно нивната чинија во која јадат да биде секогаш чиста. Сувата храна исто така може да ја изгуби свежината или да ја апсорбира влагата. По отворањето на кесата, храната може да оксидира или да се расипе за две недели. Поради оваа причина, се препорачува да купите помало пакување или да ја чувате храната во замрзнувач.
Ако мачката ја одбие храната што ја јадела досега, пробајте други вкусови. Во случаи кога мачката се чувствува несигурно или и пречи бучавата, важно е да и се обезбеди тивко и безбедно место за јадење. Мачките исто така претпочитаат нивната вода и храна да не се премногу блиску една до друга.
Ако имате неколку мачки, корисно е да бидете сигурни дека едната не ја спречува другата да пристапи до храна и да се осигурате дека има доволно простор за хранење за сите мачки. На потопли температури, храната за мачки брзо станува нејадлива, па затоа се препорачува да се фрли по час или два.
Дополнително, активноста и играта кај вашите миленици помага при физичка и ментална стимулација и може да го стимулира апетитот.