Едно од најчестите прашања што се поставува кога зборуваме за секс е зачестеноста на сексуалните односи. Без оглед на тоа колку често гори искрата во вашата спална соба, сигурно барем еднаш сте се запрашале каква е статистиката и колку често луѓето водат љубов.
Многубројни истражувања се занимаваат со оваа тема, а сите едногласно тврдат дека најмалиот број на возрасни имаат секс секој ден. Поточно, само четири отсто од испитаниците изјавиле дека имаат секс секој ден.
Познато е дека сексот е добар за нашите тела, но најважно е да се запамети дека треба да водите љубов точно онолку често колку што сакате.
Меѓутоа, ако водите љубов секој ден, тоа може да има бројни придобивки за вашето тело. Оваа изјава не се однесува исклучиво на пенетрација, туку на сите сексуални активности кои прават да се чувствувате удобно во тој момент.
Треба да водиме љубов точно онолку често колку што сакаме.
Бакнежи, допири, соло игра или орален секс, секоја од овие интимни активности може да има позитивно влијание врз нашето психофизичко здравје доколку ги практикуваме секојдневно. Во продолжение прочитајте што се случува со нашите тела ако водиме љубов секој ден.
Секојдневен секс…
1. Ја подобрува сексуалната функција
Повторувањето е мајка на знаењето, добро позната изрека која можеме да ја употребиме во овој контекст. Колку почесто водиме љубов, толку поинтензивно се чувствуваме, а оргазмите се поексплозивни. Исто така, луѓето кои имаат ниско либидо лесно можат да го решат овој проблем со почести сексуални односи.
2. Помага при менструални болки
Иако некои жени не можат да замислат секс за време на менструацијата, тој е еден од најстарите и најефикасните методи за ублажување на менструалните болки. Оргазмот е најдобриот лек за болен стомак, а секојдневното сексуално возбудување ослободува хормони кои помагаат при болка и можат да го намалат времетраењето на менструацијата.
3. Ни помага да спиеме подобро
Пријатниот секс го стимулира нашето тело да ги ослободи хормоните на среќата, окситоцинот и ендорфините. Тие поттикнуваат пеперутки, интимни чувства и желба за повеќе секс. Ако го правите ова често и постојано, половите хормони ќе ви помогнат да спиете подобро, а не треба конкретно да ги опишуваме придобивките од квалитетниот сон.
4. Го намалува стресот
Хормоните веќе споменати се одговорни за промовирање на добро расположение. Ако сте под стрес, веројатно ви е тешко да се опуштите и да размислувате за секс. Меѓутоа, ако одлучите да го ослободите стресот на овој начин, ќе почувствувате олеснување. Секојдневните активности под чаршафите можат да ви помогнат полесно да се справите со секојдневниот стрес. Сексот предизвикува позитивни чувства, а некои истражувања тврдат дека можете да се чувствувате добро дури и од вчерашниот секс.
5. Помага при концентрација
Редовниот секс им помага на жените подобро да помнат, а тоа е благодарение на споменатиот коктел од хормони кои се ослободуваат за време на сексот. Сексот, исто така, го активира хипокампусот, област во облик на потковица на мозокот која игра важна улога во пренесувањето на информациите од краткорочната во долгорочната меморија.
6. Може да ве зближи со партнерот
За џабе не го нарекуваат окситоцинот хормон на љубовта. Овој хормон се ослободува, покрај сексот, во раните фази на љубовта. Паровите кои почесто водат љубов имаат поголема доверба еден во друг, се посмирени, поопуштени и посреќни. Студија од 2017 година тврди дека сјајот после секс трае околу 48 часа, а секојдневните активности во кревет ги доближуваат паровите на уште повисоко ниво.