Иако сме свесни дека годините се само бројот на свеќички на роденденската торта и дека најважно е како се чувствуваме, многумина од нас се трудат да изгледаат младешки и да одржуваат свеж изглед. Овде не се работи само за брчките или седата коса, туку и за тоа дека некои модни комбинации и стилови можат да направат да изгледате постаро или помладо.
Стилистот Дани Мишел, кој често соработува со познати личности, објасни кои 3 стилови или начини на комбинирање облека можат да направат да изгледате постаро:
1. Истрошени чевли и чанти – “Кога вашите додатоци изгледаат уморно, тоа ве прави да изгледате уморни и вие. Погрижете се вашите најдобри парчиња да бидат добро одржувани така што ќе ги однесете во продавница за поправка или ќе направите нешто сами дома со лак за чевли и чанти. Додатоците навистина можат да направат или да го скршат стилот.” – објасни Дани Мишел.
2. Носење ретро парчиња без стил – “Голем љубител сум на винтиџ парчињата и нивното вклучување во секојдневните комбинации. Но, не плашете се да менувате, исечете или измислувате парчиња за да бидат релевантни и да ги следите актуелните трендови, а не само да изгледате застарено”.
3. Вашиот стил е секогаш ист – “Не сте исти во текот на животот, па зошто вашиот стил да стагнира? Има разлика помеѓу повторното купување трендови сезона по сезона и еволуирање со актуелните трендови. Дефинитивно е важно да се облекувате за вашиот тип на тело, но не плашете се да пробате нови комбинации”.