Експертите дадоа одлука за прекин на консумирањето алкохол.
Без разлика дали пиете често или само повремено, ќе бидете изненадени кога ќе дознаете колку вашето здравје може да се подобри ако апстинирате од алкохол еден месец.
Постојат многу здравствени подобрувања што се јавуваат како резултат на апстиненција од алкохол во текот на 30 дена. Додека некои се специфични за поединци, многу се универзални, како што се сонот, кој е значително подобрен, потоа меморијата, имунитетот кој е посилен, а во исто време го намалува ризикот од рак – изјави Ешли Лоб Блесингем, коосновач и директор за човечки ресурси во Центарот за закрепнување „Лајонрок“, пренесува „Експрес“.
Некои луѓе исто така доживуваат придобивки поврзани со кардиоваскуларниот систем, како и губење на тежината.
– Генерално, по четири недели, имунитетот, меморијата, расположението се видливо подобри, но и кожата е почиста, а импулсивноста и промените во однесувањето се исто така некои од придобивките од откажувањето од алкохол за краток временски период – изјави д-р Лоренс Вајнштајн, главен лекар во Американскиот центар за зависности.
Исто така, постојат невролошки придобивки од апстиненцијата од алкохол. Некои од нив може да се забележат во рок од една недела од откажувањето, но се многу повидливи по еден месец – рече Вајнштајн, како што објави „Хелтлајн“.
Трезвеноста еден месец може да го прекине циклусот на зависност, а може да нè принуди и да се помириме со одредени емоции што сме ги прикривале со алкохол.
– Треба да се прекине маѓепсаниот круг и да се создаде долгорочно апстиненциско искуство кое ќе му покаже на мозокот дека идејата е одржлива. Покрај тоа, им дава на луѓето доволно време да го преиспитаат својот однос со алкохолот и да се обидат да постават појасни граници – рече Ешли Лоб Блесингем.