Дресингот без кој не можете да замислите ручек со месо, сега можете сами да го направите.
За да направите сенф, не ви треба многу време ниту состојки, а ќе добиете здрав и вкусен сос кој одлично се вклопува со месо.
Потребни ви се: чаша семки од сенф, чаша јаболков оцет, чаша овошен оцет, чаша пиво, парче лута пиперка, сол и црн пипер.
Ставете ги семките од сенф во тегла и прелијте ги со пивото и оцетот, затворете и оставете ги покриени 24 часа. Измешајте ги семките во блендер, потоа зачинете со сол, црн пипер и лута пиперка.
Оставете го подготвениот сенф во фрижидер неколку дена да ферментира. Колку подолго стои, толку посилен ќе биде мирисот.