Доколку сте љубител на протеински шејкови, веројатно ќе ви се допадне новиот летен напиток, протеинска лимонада која стана хит на TikTok.
Нутриционистите за здравје нагласуваат дека овој напиток може да ја задоволи вашата потреба за протеини, но дека сепак е потребно да не претерувате во неговата консумација.
Покрај тоа, протеинската лимонада е пригоден начин да внесете повеќе витамини и други корисни соединенија во телото. Еден лимон содржи околу 31 mg витамин Ц, што е 51% од дневниот препорачан внес, што значи дека два лимони ја задоволуваат вашата дневна потреба за витамин Ц.
Исто така, ако сте љубител на цитрус, можете да ја пробате оваа верзија со портокали или мандарини.
Потребни состојки:
Два лимона, 25 грама протеински прав со вкус на ванила, вода, мед, мраз и екстракт од ванила по желба.
Подготовка:
Исцедете ги лимоните и додајте го сокот во блендер во кој веќе сте ставиле мраз. Додадете прав од протеин од ванила, а ако не е засладен или сакате уште посладок напиток, додадете лажица мед. Истурете една чаша вода во блендерот и добро измешајте. Ако сакате лимонадата да биде поретка, додадете повеќе вода и пулсирајте го блендерот неколку пати.
Послужете ја лимонадата во чаша и уживајте во пријатниот вкус на овој летен напиток.