Температурите над 30 степени Целзиусови предизвикуваат разни проблеми кај многу луѓе, а кога ќе седнеме зад воланот, целата ситуација станува многу поопасна.
Истражувањето на британскиот универзитет Лафборо покажа еден вознемирувачки факт – ако не пиете соодветни количини вода на високи температури, ќе бидете во иста состојба како да имате 0,8 g/l алкохол во вашето тело.
Други студии ги испитуваа екстремните горештини и реакциите во сообраќајот. На температури од 35 степени Целзиусови, можете да превидите до 20 проценти од сообраќајните знаци, а можноста за грешка во сообраќајот се зголемува за 30 проценти.
Затоа, намалете ја температурата во вашето возило користејќи го клима уредот (не претерувајте со премногу ниска температура, бидејќи ни тоа не е здраво), пијте доволно вода и носете лесна облека. Одморете се на патот и проветрете ја кабината пред повторно да тргнете.