Во текот на летото, пеглањето може да биде вистинска мака – топлината и високите температури честопати нè тераат да ја избегнуваме оваа задача. Сепак, постои едноставен и брз начин да освежите и испеглате изгужвана облека без потреба од пегла и дополнително загревање на просторијата.
Со помош на само две состојки – омекнувач и вода – лесно можете да ги отстраните згужваните делови од вашата облека без никаква мака. Овој трик веќе го испробале многумина, а резултатите се навистина неверојатни.
Подготовката е многу едноставна: измешајте омекнувач и вода во сооднос 1:3 и истурете ја смесата во шише со распрскувач. Прскајте ја изгужваната облека лесно додека не стане малку влажна.
Потоа, нежно измазнете ги превитканите делови со рацете и оставете ја облеката да отстои околу пет минути. Како што ткаенината се суши, наборите ќе се опуштат и вашата облека ќе изгледа уредно и свежо, подготвена за носење – и без пегла.
Овој практичен трик е одличен сојузник во топлите денови кога пеглањето не е опција, но сепак сакаме уреден изглед. Пробајте го и видете колку е лесно!