Ако не сте спиеле добро, постојат неколку работи што никогаш не треба да ги правите бидејќи ќе се чувствувате полошо во текот на денот.
Колку и да е примамливо, не го одложувајте алармот. Прекинувањето на сонот само ќе ве направи поспани.
Недостатокот на сон ја зголемува веројатноста за дехидрација, што може да ја влоши маглата во мозокот и заморот. Затоа никогаш не го започнувајте денот без да испиете голема чаша вода.
„Само два проценти дехидрација ги намалува вашите когнитивни способности за 10 до 20 проценти и влијае на вниманието, меморијата и брзината на ментална обработка“, изјави нутриционистката Вероника Ларисова за „Њујорк пост“.
Не лежете предолго ако сте имале лош ноќен сон. Природната светлина е сигнал на вашето тело да се ресетира. Затоа, обидете се да излезете надвор 10 до 15 минути веднаш по будењето. Идеално, направете го тоа во првиот час.
Ако одлучите да вежбате, погрижете се да не правите премногу напорни вежби. Лесните вежби се доволни за да го започнете денот како што треба.
Можете да пиете кафе, но почекајте час и половина откако ќе се разбудите за да можат прво вашите природни нивоа на кортизол (хормонот за будење) да ја направат нивната работа.
Кога станува збор за појадок, веројатно сакате нешто благо. Но, подобро е да се фокусирате на постабилни извори на енергија. Ларисова предлага да јадете јајца или друга храна богата со протеини наместо да посегнувате по шеќер.