Холандски истражувачи од Ајндховен користеле високотехнолошки методи за да го следат квалитетот на сонот на 17 здрави волонтери во текот на пет ноќи. Една група учесници спиеле со делумно отворена врата или прозорец во спалната соба, што овозможувало подобра вентилација, додека другата група спиела во затворена просторија.
Новото истражување ги докажало тврдењата на нашите предци дека спиеме подобро ако прозорецот или вратата во спалната соба се подотворени.
Резултатите од студијата покажале дека просториите со подобра вентилација имале пониски нивоа на јаглерод диоксид во воздухот (јаглерод диоксидот се произведува за време на дишењето), а тоа влијаело на сонот на учесниците кои спиеле во простории со подотворени прозорци или врати.
Пониските нивоа на јаглерод диоксид во спалната соба значеле поголема длабочина на спиење и поголема ефикасност на спиењето, како и помалку будења во текот на ноќта.
Д-р Стивен Фајнсилвер, експерт за спиење, ги коментирал резултатите од студијата, кој изјавил дека ноќната средина е важна за добар ноќен сон. Не сите спални соби влијаат подеднакво на квалитетот на нашиот сон, бидејќи нашата ноќна средина е важна за добар сон.
Општо е познато дека спиеме многу подобро во постудена средина, но досега, малку внимание се посветуваше на тоа како квалитетот на воздухот во затворен простор влијае на квалитетот на спиењето.
Попрецизните современи истражувања можат да понудат подобар увид во тоа како условите во просторијата (температура, влажност, чистота на воздухот, бучава, светлина итн.) влијаат на квалитетот на спиењето. Научниците сега имаат на располагање современи методи и алатки за истражување: прецизни инструменти за мерење на условите во просторијата, како и современи уреди за мерење на мозочните бранови за време на спиењето (ЕЕГ).
Резултатите од ова истражување беа објавени во списанието „Indoor Air“.