Дамките може да бидат многу тешки за чистење, особено ако се појават во клучен момент и не сте во можност веднаш да реагирате. Сепак, постојат едноставни трикови што можат да ви помогнат со тврдокорните дамки.
Можете да ги отстраните дамките од облеката без потреба од груби хемикалии. Станува збор за комбинација од детергент за миење садови и сода бикарбона. Овој трик е добар и за отстранување на дамки од масло, особено кога машината за перење „не ја врши работата“.
Дамките од масло се тешки за отстранување бидејќи маслото ја одбива водата и не е растворливо во вода, што значи дека средствата за чистење на база на вода не можат да го разградат и да го измијат.
Поточно, за овие дамки, треба да направите паста од детергент за миење садови и сода бикарбона. Ако немате време да ја подготвите оваа паста, прво нанесете детергент за миење садови на дамката и дури потоа посипете обилно сода бикарбона.
За да бидете сигурни дека пастата нема да остане само на површината на облеката, можете да ја втриете во дамката со четка со мали влакна, како што е четка за заби. Почекајте 15 минути пастата да се впие и да го извлече вишокот маснотии. Потоа перете ја облеката редовно.
Оваа техника ќе помогне во отстранувањето на тврдокорните дамки како маслото, бидејќи содата бикарбона делува како абсорбента. Ова значи дека кога се нанесува на дамки од масло, го апсорбира маслото и го извлекува од ткаенината.
Со користење и на детергент за миење садови и на сода бикарбона, ги добивате придобивките од обете, а тоа се апсорбирање на маснотиите и отстранување на дамката. Течноста за миење садови помага во разградувањето на тврдокорните дамки од масло, омекнувајќи ги пред перење.
Експертите од Tide ги повикуваат сите што се борат со дамки од масло да дејствуваат брзо. Ако има вишок масло, избришете го со крпа за миење садови пред да се обидете да чистите.
„Постојат многу вообичаени предмети за домаќинството кои одлично функционираат за отстранување на дамки од масло од облеката. Течниот детергент за перење, сапунот за миење садови, белиот оцет и топлата вода можат добро да функционираат за разградување и отстранување дури и на најтврдокорните дамки од масло“, рекоа тие.
Сепак, бидете внимателни кога го користите овој трик на темна или обоена облека. Содата бикарбона може да го избледи материјалот.
Ова може да се случи кога содата бикарбона се нанесува на деликатни ткаенини или облека со pH-чувствителни бои. Високата pH вредност на содата бикарбона може да ги оштети протеинските влакна како волна, кашмир и свила, а може да предизвика и избледување на некои бои. Иако содата бикарбона не е белило, таа може да има ефект на белење на обоените ткаенини.