Откако епизодата од серијата „South Park“ во која се исмејуваше Чарли Кирк беше отстранета од „Комеди Централ“, креаторот на серијата проговори и откри зошто новата епизода е одложена.
Имено, четвртата епизода од 27-та сезона, насловена како „Вок е мртов“, премиерно се прикажа на 3 септември, а следниот дел требаше да се емитува на 17 септември. Во последен момент беше објавено дека ќе биде одложена за седум дена, а по одложувањето, ко-креаторот на „South Park“, Мет Стоун, ја откри клучната причина за „Денвер пост“.
Многу фанови шпекулираа дека епизодата е одложена поради политичките превирања по убиството на Чарли Кирк и суспензијата на Џими Кимел. Сепак, Стоун нагласи дека тоа не е случај.
„Никој не нè цензурираше, знаете, ако беше вистина. Едноставно не сме завршиле. Тоа е цената на одложувањето“, рече Стоун.
Радио водителот Џеси Кели претходно го обвини „Саут Парк“ и неговата последна епизода за смртта на Кирк. Во епизодата, Ерик Карман ја додели наградата „Чарли Кирк, млад мајстор на дебатата“. Кирк беше убиен на 10 септември додека држел говор на Универзитетот во Јута Вали.
Кели наводно им рекол на слушателите: „Саут Парк сметал дека е смешно да го стави Чарли во серијата. Сега неговата сопруга планира погреб“.
Сепак, многу гледачи тврдат дека „Саут Парк“ нема никаква врска со смртта на Кирк.
Следната епизода од 27-та сезона на Саут Парк ќе има премиера во среда на Comedy Central.