Како што деновите стануваат пократки, а времето станува постудено, многу луѓе бараат топли и миризливи десерти. Еден од нив се ролатчињата со цимет – нежни, миризливи и совршени со шолја топол пијалак.
Најважната работа во овој рецепт е подготовката на тестото. Затоа, само треба внимателно да го додадете брашното.
Состојки за тестото:
700 грама брашно
100 грама шеќер + две лажици шеќер
130 милилитри вода
една лажичка сол
10 грама квасец
450 милилитри топло млеко
две јајца
50 грама путер
Состојки за филот:
цимет
неколку лажици млеко
шеќер
Состојки за белата глазура:
млеко
120 грама шеќер во прав
Подготовка:
Прво, загрејте ја водата и додадете две лажици шеќер и квасец. Измешајте и оставете да нарасне. Месете го тестото со преостанатите состојки, но постепено додавајте го брашното за да остане меко. После тоа, покријте го тестото и оставете го да се дуплира.
Кога тестото ќе нарасне доволно, поделете го на два еднакви дела. Развлечете едно парче тесто и премачкајте го со малку млеко и наросете го со саканата количина шеќер и цимет. Повторете го процесот со другото парче тесто.
Рукајте ги двата парчиња тесто во ролат и исечете ги на еднакви делови со конец. Наредете ги ролатчињата во тава за печење, но наредете ги така што да не се допираат. Оставете ги повторно да нараснат и печете ги во рерна на температура помеѓу 180 и 200 степени додека не добијат златно-кафеава боја.
Кога ќе бидат готови, изладете ги кратко и премачкајте ги со глазура направена од шеќер во прав и млеко. Глазурата треба да биде густа, затоа постепено додавајте го млекото.