Потребно е:
За ќофтињата:
500 г мелено месо
1 јајце
1 кромид
1 чешне лук
2 лажици презла
1 лажичка зачин со сушени билки
1 лажица масло
сол
бибер
малку слатка пиперка
За доматен сос:
500 мл сок од домати
3 чаши вода
0,5 dcl масло
3 лажици брашно
сол
една лажица шеќер
малку слатка пиперка
Подготовка:
Во сад измешајте го меленото месо, јајцето, кромидот, презлата, зачините, солта, биберот, маслото и мелената пиперка. Добро измешајте ги сите состојки и оставете ги во фрижидер најмалку 30 минути. Со раце формирајте топчиња со саканата големина. Одделно во тава, пржете малку брашно во масло и додадете сок од домати, измешајте и додадете вода. Зачинете. Додадете ги ќофтињата едно по едно во врелата вода и намалете ја температурата. Гответе ги ќофтињата околу 40 минути на средна температура. Уживајте!