Адел била видена во јавност за прв пат по шест месеци откако им кажала на фановите дека се повлекува од јавниот живот
Причината за влегувањето во центарот на вниманието е присуството на Големата награда на САД во Остин, Тексас.
37-годишната пејачка била фотографирана во гаражата на Мерцедес АМГ Формула 1, насмеана покрај возачите Џорџ Расел и Кими Антонели. Облечена во црна кошула и соодветни панталони, Адел ја покажала својата затегната фигура и забележителното губење на тежината.
Иако фановите повремено ја гледале во Беверли Хилс и Лас Вегас, таа годинава најчесто се држеше подалеку од очите на јавноста, претпочитајќи да го чува својот приватен живот за најблискиот круг на семејството и пријателите.
Адел минатото лето најави „голема пауза од музиката“, велејќи и на публиката во Минхен, каде што одржала серија од 10 концерти:
– Нема да ве видам неверојатно долго време. Само ми треба пауза, во последните седум години градам нов живот за себе и сакам да го живеам сега.
– Мојот резервоар е прилично празен во моментов. Немам никакви планови за нова музика. Сакам голема пауза по сето ова и мислам дека сакам да правам други креативни работи засега. Знаете, воопшто не пеам дома. Колку е тоа чудно? – изјавила таа тогаш за германскиот ZDF.
За време на паузата, пејачката се посветила на својот син Анџело, кого го дели со својот поранешен сопруг, и со својот сегашен партнер Рич Пол, со кого била верена. Исто така, извори велат дека сака да ја исполни долгогодишната амбиција да студира англиска книжевност, што сакала да го направи пред да стане позната.
Извори за Daily Mail изјавиле претходно овој месец дека Адел „намерно“ чувала тајна.
– Не е ново што го држи приватниот живот одвоен, има право на него, но мора да се каже дека повеќе од кога било досега прави сè што е потребно за да биде строга во врска со тоа што им дозволува на луѓето да видат. Многу е различно од минатиот пат, таа намерно ја држи јавноста настрана.
Се верува дека Адел студира англиска книжевност, исполнувајќи ја својата амбиција, пред славата, да стане наставничка.