Чоколадните бомби се еден од оние десерти што секогаш импресионираат – едноставни се, брзи се за подготовка и не бараат печење.
Идеални се кога сакате нешто благо „набрзина“. Со неколку основни состојки и малку имагинација, можете да ги прилагодите по ваш вкус.
Состојки:
200 г мелени бисквити
100 г мелени лешници (по желба)
120 г шеќер во прав
2–3 лажици какао
100 г путер (омекнат)
1 dcl млеко
1 лажичка рум
60 грама темно чоколадо
Кокос/ореви/какао за да ги извалкате на крајот
Подготовка:
Во голем сад измешајте ги мелените бисквити, лешниците, шеќерот во прав и какаото. Додадете го омекнатиот путер и румот и добро измешајте сè.
Постепено додавајте го млекото додека не добиете мазна, еластична смеса што лесно се обликува.
Обликувајте мали топчиња со големина на орев и додадете парче чоколадо во средината на секое. Готовите топчиња извалкајте ги во кокос, ореви или какао. Ставете ги во фрижидер најмалку еден час за да се стегнат.
Ако сакате посочни топчиња, додадете една лажица џем од кајсии или цреши.