Сонот е неопходен за сите нас, но за жал, сè повеќе луѓе не добиваат доволно. Сепак, за да почнете да ги надоместувате изгубените зимски часови, обидете се да ја прилагодите вашата исхрана.
Според GoodHouseKepping, консумирањето повеќе минерали како калиум, магнезиум, калциум и железо може да помогне во активирањето на производството на мелатонин, хормонот одговорен за регулирање на спиењето.
Истражувањата покажуваат дека одредени намирници како цреши, јаткасти плодови и овесна каша содржат својства што предизвикуваат спиење и можат да ви помогнат побрзо да заспиете.
Кога ќе дојде време за спиење, избегнувајте тешка пржена храна, алкохол, кофеин (како кафе, чај и енергетски пијалоци) и храна што предизвикува горушица како доматен сос или сок од портокал.
Овие можат да имаат спротивен ефект и да ве држат будни подолго. Држете се до доцните ноќни закуски наведени подолу и мирниот ноќен сон ќе биде ваш.
Ф’стаци
Ф’стаците се вистински засилувач на спиењето, содржат протеини, витамин Б6 и магнезиум, кои сите придонесуваат за подобар сон. Сепак, избегнувајте претерување.
Не надминувајте порција јаткасти плодови од 30 грама. Се што е премногу калорично може да има спротивен ефект, односно да ве држи будни.
Лубеница
Бидејќи дехидрацијата може да влијае на вашата способност да заспиете и да останете заспани, изборот на овошје како лубеница може да ги надомести сите недостатоци. Порција лубеница ќе ве хидрира пред спиење и ќе го одврати гладот по вечерата благодарение на влакната и волуменот.
Банани
Магнезиумот и калиумот во бананите дејствуваат како мускулни и нервни релаксанти. Витаминот Б6 што се наоѓа во овошјето, исто така, го претвора триптофанот во серотонин, што дополнително ја подобрува релаксацијата.
Бадеми
Бадемите содржат триптофан и магнезиум, кои помагаат природно да се намали мускулната и нервната функција, а воедно да се стабилизира срцевиот ритам.
Путер од бадеми или кикирики исто така ќе функционира. Намачкајте го на крекери, банана или тост. Повторно, количината треба да биде помала од една лажица за да не се чувствувате премногу сити пред спиење.
Темно чоколадо
Не грижете се, можете да јадете чоколадо дење и ноќе. Темното чоколадо содржи серотонин, кој го опушта телото и умот, а постојат и други здравствени придобивки што ги има темното чоколадо.
Овесна каша
Можеби ќе сакате да пробате да јадете чинија овесна каша по мрак за да ви помогне да спиете во текот на ноќта.
„Овесната каша го стимулира производството на инсулин, слично на лебот од цело зрно. Природно го зголемува нивото на шеќер во крвта и ве прави поспани. Овесот е исто така богат со мелатонин, кој го опушта телото и ви помага да заспиете“, вели нутриционистката Синтија Паскела.
Смокви
Смоквите содржат калиум, магнезиум, калциум и железо. Овие минерали помагаат во протокот на крв и контракцијата на мускулите, што е клучно за заспивање. Покрај тоа што ги ограничува вашите желби за десерт, секоја смоква содржи и дополнителни влакна за да ве држи сити.
Хумус
Овој намаз од наут е уште еден одличен извор на триптофан. Ако се најдете себеси како се будите гладни среде ноќ, тоа обично значи дека не внесувате доволно калории во текот на денот.
Сливи
Хранливите материи во сливите, како што се витаминот Б6, калциумот и магнезиумот, помагаат во производството на мелатонин, хормон кој го регулира спиењето. Користете ги сливите како прилог или јадете ги сами околу 30 минути пред спиење.
Билни чаеви
Не е изненадување, но билките чаеви имаат многу својства што предизвикуваат спиење. Камилицата е одлична за смирување на нервите пред спиење. Исто така, хидрира и го смирува желудникот, исто како чајот од ѓумбир.
Цреши
Најдобриот начин да се наспиете добро е да го зголемите внесот на мелатонин. Црешите, заедно со јаткастите плодови и овесот, се природни извори на мелатонин. Кога се јадат редовно, тие можат да помогнат во регулирањето на циклусот на спиење.