Бананите, богати со калиум и магнезиум, можат природно да ги ублажат менструалните грчеви и да ги олеснат болните денови.
Кога ќе дојде менструацијата, грчевите, надуеноста и нервозата се чести гости. Бананите се богати со калиум и магнезиум, минерали кои се клучни за релаксација на мускулите, вклучително и мускулите на матката. Ова значи дека редовната консумација на банани би можела да ги ублажи менструалните грчеви.
Покрај тоа, бананата содржи витамин Б6, кој може да помогне во балансирањето на хормоните и намалувањето на промените во расположението, нервозата и раздразливоста – сите вообичаени појави за време на циклусот, пишува „The Times of India“.
Се додава дека влакната и природните шеќери во бананите помагаат во варењето и можат да ги ублажат надуеноста и проблемите со желудникот што често ги носи менструацијата.
Што вели науката
Интересно е што неодамнешна студија објавена во „Journal of Maternal and Child Health“ покажува дека комбинацијата од консумирање банани и употреба на блага физичка активност (како што е вежбање со топка за вежбање) може значително да го намали интензитетот на менструалните болки кај тинејџерките.
Авторите на студијата наведуваат дека оние кои редовно јаделе банани, заедно со блага физичка активност, пријавуваат помалку грчеви и помалку болка, што укажува дека бананите можат да бидат корисен „природен додаток“ за време на деновите на менструација.
Како најдобро да се консумира
Јадете една до две банани дневно за време на менструацијата, можете да ги јадете сами, во овошни салати, со јогурт или во смути.
Комбинирајте со доволен внес на вода и, доколку е можно, лесна физичка активност – што дополнително може да придонесе за намалување на грчевите и зајакнување на циркулацијата.
Избегнувајте прекумерен внес – бананата е здрава, но содржи природни шеќери, па во случај на висок внес на калории и лошо расположение, ефектот може да биде спротивен.
Важно е да се знае – тоа не е магичен лек
Сепак, предупредуваат експертите – иако бананата може да помогне, таа не е магично решение. Секоја жена реагира различно – за некои може да донесе олеснување, за други речиси ништо.
Ако менструалните болки се силни и се мешаат во секојдневниот живот – најдобро е да се консултирате со лекар, бидејќи понекогаш причината може да биде посериозна, а природните совети нема да бидат доволни.