Домашниот пробиотски јогурт може да биде едноставно, но исклучително моќно решение.
За разлика од индустриските јогурти, домашниот пробиотски јогурт поминува низ подолга ферментација и не содржи адитиви, стабилизатори или скриени шеќери. Во однос на хранливата вредност, тие се приближно исти, но кога ќе го направите вашиот јогурт, имате контрола врз сите состојки што ги користите. Можете да го прилагодите на вашите потреби.
Можете да го направите во две верзии, со животинско или растително млеко, според вашите навики и потреби.
Вкусно е и густо, а текстурата му личи малку на грчки јогурт.
Состојки:
2 литри млеко
1 чаша кисело млеко (ако сакате густа верзија) или
1 чаша купен јогурт (ако сакате обична густина)
пробиотик во прав
Подготовка:
Топлете го млекото додека не се загрее, но не да зоврие. Тргнете го од шпоретот и додадете го јогуртот или киселото млеко и пробиотскиот прав. Потоа, покријте го со крпа и оставете го преку ноќ. Наутро, промешајте и оставете уште еден час да се згусне. После тоа, ставете го јогуртот во фрижидер да се олади.