Адам Сандлер изјавил дека една од најнепријатните ситуации за него при снимање е кога мора да плаче пред камерата.
Иако многу актери се одлучуваат за техники или вештачки солзи, Сандлер рекол дека сцените што бараат плачење се особено непријатни, бидејќи во реалниот живот тој речиси никогаш не плаче.
Тој тврди дека сценаријата што бараат од него емоционално да се скрши му предизвикуваат силно чувство на непријатност, пишува списанието Far Out.
„Кога ќе го видите вашиот лик како неконтролирано плаче во сценарио, си мислите: „Тоа не ме прави среќен“. Во реалниот живот, мислам дека сум плачел само еднаш, бидејќи едноставно не сум тип на човек што плаче многу. Ги гледам тие сцени како личен предизвик“, рекол тој.
Сепак, тој тврди дека е свесен како добриот актер мора да ги покаже емоциите на екранот. Кога станува збор за најновиот филм „Џеј Кели“ во кој има улога, Сандлер признал дека однапред го вознемирувала помислата на сцени во кои мора да плаче.
„Во тој филм имаше три или четири такви сцени. Седум дена претходно, размислував како да плачам. Мислев дека ќе ги разочарам сите“, рече тој.
Сепак, Сандлер успеа да ги изведе потребните сцени во филмот во кој глуми со Џорџ Клуни и Лора Дерн, а оваа улога му донесе очекувања за многу награди, вклучувајќи го и Златниот глобус.