Ако има некој што ја живее својата фантазија за „Бриџертон“ во реалниот живот, тоа е неповторливата Џенифер Лопез. Латино дивата уште еднаш докажа дека е најголем обожавател на хитот на Нетфликс, а нејзиниот последен моден избор е достоен за титулата „дијамант“ на топката…
Сите знаеме дека Џенифер Лопез не прави ништо на половина. Откако минатата година нè почасти со роденденски спектакл за кој се зборуваше со недели, сега повторно скокна во корсет (метафорично кажано) за објавувањето на четвртата сезона од серијата „Бриџертон“ и воодушеви милиони следбеници.
Пејачката и актерка објави фотографија на својот Инстаграм профил во спектакуларен фустан без прерамки во боја на лаванда кој изгледа како вистинско уметничко дело. Креацијата, која остава впечаток дека е исткаена од стотици нежни цветни ливчиња, е дело на индонезиската дизајнерка Моника Ивена.
Со натпис: „Драги JLovers… Кој е возбуден за Бриџертон вечерва!? Јас дефинитивно сум“, Џеј Ло ги запали социјалните медиуми. Таа го заокружи изгледот со впечатливи обетки и модерна неуредна пунџа, додека нејзината шминка остана верна на нејзиниот препознатлив сјај, со класичен ајлајнер во форма на мачкини очи, кармин во боја на кожа и допир на розево руменило.
Ова не е прв пат Џеј Ло да го покаже својот внатрешен војвотка. Минатата година го прослави својот 55-ти роденден со тематска забава која ги засрами дури и најраскошните сетови на серијата на Нетфликс. Имаше сè, од кочија со коњи до гудачки оркестар кој свиреше препознатливи мелодии од серијата.
Тогашната славеничка, или како што би рекле, Лејди Лопез, во текот на вечерта смени две комбинации. Првата беше металик син фустан со брокат дезен што го комбинираше со цветен декор во косата, додека за сечењето на тортата (и дувањето на свеќите без Бен Афлек на повидок) избра лелеава креација изработена од светло зелен шифон. Секако, како вистинска кралица на вечерта, добар дел од забавата го помина седејќи на огромен бело-златен трон.
А што ни носи самата серија што ги инспирираше овие модни излегувања? Првите четири епизоди од новата сезона на „Бриџертон“ веќе пристигнаа на Нетфликс и, како што се очекуваше, го зазедоа првото место на листата на најгледани наслови во Македонија.
А оваа сезона ни го претставува она што нè натера да се заљубиме во серијата, интригите на лондонското високо општество, забранетите романси и, секако, визуелниот спектакл. Спектакуларна сценографија, раскошни балови и трендовски костими (т.н. реџенсикор) се повторно тука. Секоја сцена зрачи со таа специфична елеганција што ја претвори оваа драма во глобален феномен.