Британската уметница ФКА Твигс привлече внимание на црвениот тепих на вечервашното доделување на Греми наградите, а се појави во прилично необична креација која изгледаше како да е сошиена од искината, истрошена ткаенина.
ФКА Твигс е британска уметница, пејачка, танчерка и продуцентка позната по својот експериментален пристап кон музиката и визуелната уметност, што го покажа и со својот настап на црвениот тепих вечерва.
Фустанот што го носеше беше направен од ткаенина во боја на кожа на горниот дел и малку потемно кафеава на долниот дел, со метални детали зашиени преку него.
На рацете имаше серија сребрени нараквици, а наместо класична чанта, носеше книга и цвет од фламинго. На нозете имаше и хеланки во боја на кожа, кои ги носеше преку штикли со платформа.
Музиката на ФКА Твигс комбинира елементи на R&B, електроника, трип-хоп и авангардна поп музика, и често создава високо иновативни и уметнички богати музички видеа и настапи.
Таа ја освои својата прва Греми награда, за албумот „Eusexua“ во категоријата денс/електронски албум.
