Откако студирала на Харвард, Малија се посветила на пишување и филмска продукција и соработувала на неколку престижни проекти, но успешно го крие својот приватен живот од очите на јавноста.
Малија Обама (26), најстарата ќерка на поранешниот американски претседател Барак Обама и поранешната прва дама Мишел Обама, ретко се појавува во јавноста, поради што секое нејзино излегување привлекува посебен интерес. Деновиве, таа беше видена за време на опуштена прошетка во парк во Лос Анџелес, каде што го покажа својот лежерен стил и природен изглед далеку од политичките рефлектори под кои порасна.
Овој пат, Малија избра преголеми фармерки и кратка маица што ја истакнуваше нејзината атлетска фигура, а минувачите ја препознаа дури по неколку моменти – што не е изненадувачки, бидејќи таа свесно се држеше подалеку од медиумите и јавните настани со години.
Се откажа од презимето на нејзиниот татко
Претходно привлече посебно внимание од јавноста со својата одлука професионално да се претстави без презимето на нејзиниот татко. Имено, во филмските проекти се потпишува како Малија Ан, сакајќи да избегне поврзување со политичкото наследство на нејзиното семејство и да изгради свој идентитет во креативниот свет.
По студирањето на Харвард, Малија се посвети на пишување и филмска продукција и соработуваше на неколку престижни проекти, но успешно го крие својот приватен живот од очите на јавноста. Затоа нејзините ретки појавувања, како ова во Лос Анџелес, редовно предизвикуваат љубопитност и коментари – бидејќи Малија, дури и без титули и презимиња, сè уште останува една од најинтригантните „претседателски ќерки“ во светот.