Ен Хатавеј ретко носи облека што открива делови од телото. Сепак, овој пат направи исклучок и докажа дека транспарентната креација совршено се вклопува со темниот гламур.
Ен Хатавеј неодамна присуствуваше на ревијата на Ралф Лорен во рамките на Неделата на модата во Њујорк. За таа пригода, таа одлучи да носи креација што комбинира чист сексапил и темен гламур.
Станува збор за специфично парче облека што ја следи линијата на телото, а е украсено со висока јака и целосно отворен грб. Покрај тоа, има слоеви од чипка што ја продолжуваат должината на целиот фустан и дискретно откриваат црна долна облека.
Но тоа не е сè…
Таа додаде и на својот стајлинг интересна наметка што ги обви нејзините раце и му даде на целиот изглед доза на елеганција.
Овој фатален изглед го надополни со шминка во нежни тонови, а косата ја стилизираше на наједноставен начин – се одлучи за брановидна фризура што паѓаше по рамената.
Во еден момент за време на фотосесијата, стави очила и изгледаше како вистинска дива што сите ја посакуваат!