Американските палачинки се совршен десерт, а Гордон Ремзи има трик да ги направи уште повкусни – додадете карамелизирана банана.
За тестото, потребни ви се следниве состојки: 150 грама брашно, една лажичка прашок за пециво, три јајца, 75 милилитри вода, прстофат сол, 120 милилитри матеница и сончогледово масло.
Состојки за преливот: две банани, 50 грама шеќер, 1/3 путер, малку темен рум.
Подготовка:
Земете цедалка и просејте го брашното во сад. Додадете го прашокот за пециво. Во друг сад, изматете ги јајцата и истурете ја водата и матеницата во истата мерна чаша. Измешајте ги јајцата во брашното. Потоа додадете половина од смесата од матеница и вода, повторно добро измешајте, а потоа додадете ја преостанатата течност.
„Тајната на оваа смеса за палачинки е да се осигурате дека нема грутки никаде“, рече Ремзи.
Земете тава што не лепи и додадете малку сончогледово масло, внимавајќи да ја покриете целата површина. Користете околу половина лажица од смесата за секоја палачинка, оставајќи ги да се пржат околу минута и пол од секоја страна пред да ги свртите со шпатула.
За преливот, исечете ги бананите по должина на половина. Истурете го шеќерот во тавата и ставете го на оган, но не го мешајте. Оставете го додека не почне да добива златна боја. Кога ќе добие златна боја, тргнете го од оган.
Додајте го путерот заедно со половините банани. Ако сакате, додадете малку рум и фламбирајте го овошјето со запалкач. Потоа додадете малку вода за да се згусне карамелот без да стане премногу леплив, мешајќи додека не постигнете богата текстура. Додадете ги бананите во палачинките. Уживајте!