Кортни и Тревис се во брак помалку од четири години. Во текот на нивната врска и брак, двојката често покажуваше блискост и нежност во јавноста.
Социјалните медиуми оваа недела беа преплавени со гласини кои ги вознемирија фановите на кланот Кардашијан.
Recap Next,профил на Инстаграм посветен на вести за познати личности, објави видео во кое тврди дека најстарата од сестрите Кардашијан – Кортни (46) се спакувала, го напуштила домот на својот сопруг, тапанарот Тревис Баркер (50) и ги зела своите деца со себе.
Објавата веднаш предизвика лавина од коментари, но обожавателите се доста скептични во врска со тврдењата.
Краткото видео, монтирано како трејлер за драматична серија, сугерира дека Кортни донела дефинитивна одлука. Описот на објавата гласеше: „Впечатлива вест! Вчера, Кортни Кардашијан се исели од вилата на Тревис Баркер со своите 3 деца.“
Видеото содржи компилација од среќните моменти на двојката, прошарани со снимки од Кортни како шета со децата, што очигледно е искористено за да се пренесе идејата дека таа наводно го напушта домот.
Мајка на четири деца
Кортни и Тревис се во брак помалку од четири години. Тие официјално се венчаа на интимна церемонија во Санта Барбара на 15 мај 2022 година. За време на нивната врска и брак, двојката често покажуваше блискост и нежност во јавноста, што им го отежнуваше на фановите прифаќањето на гласините за нивното раскинување.
Кортни и Тревис имаат двегодишен син, Роки Тринаесет. Таа е исто така мајка на синовите Мејсон (15) и Рејн (10) и ќерката Пенелопе (13), кои ги имаше во долгогодишната врска со Скот Дисик.
Засега нема официјална потврда за раскинувањето, а следбениците со нетрпение ги следат понатамошните случувања.
Да потсетиме, Кортни Кардашијан минатиот месец одбележа важна лична пресвртница. Ријалити ѕвездата и основач на лајфстајл брендот Lemme откри дека е трезна веќе три години.
Иако никогаш детално не зборувала за причините зошто престанала да пие алкохол, Кортни често нагласувала во последните години колку е важен здравиот начин на живот, рамнотежата и грижата за своето тело и ментално здравје.