Чипсовите од Pringles предизвикуваат зависност. Се испостави дека недостатокот на контрола не е она што ги тера многу луѓе да јадат големи количини од овие чипсови, но постои специфична причина за тоа.
Универзитетската професорка по математика и наука, писателка, се појави во неодамнешната епизода од подкастот „Table Manners“ со Џеси и Лени Вер, каде што зборуваше за зависноста што ја предизвикува Pringles, објавува Metro.co.uk.
„Нашите тела се толку совршено прилагодени на она што го јадеме буквално низ милиони години еволуција. Кога копнеете по нешто, ако помислите: „Навистина сакам чоколадо денес“, веројатно е некоја мала молекула во чоколадото за која вашето тело знае дека му е потребна“, рече таа.
Понатаму рече дека кога храната ќе достигне одредена точка во нашиот цревен систем, ослободува хормон што ни кажува дека сме сити.
„Принглс се толку преработени, што е како да се омекнати во лабораторија, а потоа повторно направени. Значи, кога ги јадете, тие буквално се раствораат пред да стигнат до делот од вашето тело што го испраќа хормонот што вели: „Фала, сита сум“. Никогаш нема да се наситите од нив“, рече таа.
Според официјалната веб-страница на Принглс, тие се прават претежно од сушен компир, скроб, брашно, сол и зачини. Ова е уникатно бидејќи чипсот обично се прави од исечен суров компир, а не од сушен. Затоа, се смета дека Принглс содржи 50 проценти помалку компир од обичниот чипс.
За да се направат, сушениот компир се обликува, потоа се пржи и се додаваат зачини.