Британскиот актер Даниел Редклиф вели дека е многу посветен на физичката активност во денешно време, но признава дека порано имал сосема различни навики.
Ѕвездата од Хари Потер откри дека порано „живеел“ на кафе и цигари, додека сега е многу повеќе фокусиран на тренинг и поздрав начин на живот.
„Вежбам тегови, кружен тренинг, кардио. Не изгледам како фитнес фан, но сум доста интензивен во врска со тоа. Се чувствувам како клише на поранешен алкохоличар или на некој што имал каков било вид зависност, а потоа ја пренел таа зависност во теретана“, вели 36-годишниот актер за списанието WSJ.
Редклиф моментално глуми покрај Трејси Морган во новата комедија на NBC „The Fall and Rise of Reggie Dinkins“. Првпат јавно проговори за својата трезвеност во 2012 година, подоцна опишувајќи го алкохолот како најлесниот начин да се избегне самосвестта.
„Порано живеев од кафе и цигари по цел ден, а потоа престанав да пушам. Сега живеам од кафе по цел ден“, објасни тој.
Актерот исто така станува рано овие денови, делумно благодарение на двегодишниот син што го има со долгогодишната партнерка Ерин Дарк. Двојката не го откри името на детето во јавноста.
„Имам мало дете, па моето тело е тренирано да се буди околу 5:30 часот. Мојот син има ноќно светло кое можете да го програмирате да ја менува бојата во одредено време, па во 6:30 часот ќе трепка од сина во жолта и ќе го слушам како вреска“, откри Радклиф.
Иако отворено зборуваше за своите минати проблеми со пиењето, Радклиф и неговите колеги од Хари Потер, Руперт Гринт и Ема Вотсон, во голема мера ги избегнуваа скандалите што често ги следат децата ѕвезди.
Тој исто така додаде дека е свесен колку може да биде комплициран животот под рефлекторите.
„Исто така сум свесен колку може да биде непријатно. Мислам дека е многу различно растејќи на снимањето на „Хари Потер“ во Велика Британија. Истата екипа беше таму претежно 10 години, па бевме опкружени со група луѓе на кои навистина им беше грижа за нас. Имав голема среќа и со моите родители“, рече тој.