На пазарот се појави необична новина која брзо го привлече вниманието на љубителите на кафе, транспарентно кафе кое изгледа како вода, но наводно го задржува вкусот на класичниот пијалок.
Она што го прави особено интересно е тоа што содржи само две калории и не остава темни дамки на забите.
Овој пијалок е лансиран од брендот CLR CFF, а го создале двајца браќа од Словачка додека живееле во Лондон. Според нив, кафето е направено од висококвалитетни зрна арабика, кои се обработуваат со посебен метод, така што пијалокот останува целосно транспарентен.
Производителите исто така истакнуваат дека пијалокот не содржи шеќер, засладувачи или адитиви, па затоа многумина го сметаат за интересна алтернатива на класичното кафе. Може да се пие самостојно, но и да се користи како додаток во коктели.
Шише од 200 милилитри моментално чини околу 6,8 евра и моментално е достапно само во ограничен број продавници низ Европа.