Заболувањето на црниот дроб често е тешко да се открие во раните фази бидејќи обично не предизвикува јасни и очигледни симптоми. Сепак, експертите предупредуваат дека одредени промени на лицето можат да бидат важен сигнал дека нешто не е во ред.
Замастен црн дроб, или хепатална стеатоза, се јавува кога премногу маснотии почнуваат да се акумулираат во клетките на црниот дроб – хепатоцитите.
Ново истражување презентирано на овогодинешниот состанок на Ендокриното друштво открива загрижувачки факт: дури еден од тројца возрасни живеат со замастен црн дроб, состојба која тивко го зголемува ризикот од кардиоваскуларни заболувања, рак и дијабетес тип 2. Тоа е едно од најбрзо растечките метаболички заболувања, кое често поминува без јасни симптоми, но може да остави препознатливи знаци на лицето.
Експертите нагласуваат дека навременото препознавање на овие промени може значително да влијае на текот на болеста и да спречи сериозни компликации.
Пет знаци на замастен црн дроб што може да се видат на лицето
Според лекарите, во раните фази, замастениот црн дроб обично не предизвикува значителни проблеми. Сепак, постојат неколку симптоми што може да се видат на лицето:
- Жолта кожа и пожолтување на очите (жолтица)
- Црвенило на кожата
- Розацеа
- Восочен изглед на кожатав
- Видливи капилари на лицето
Овие симптоми може да се појават кога црниот дроб почнува да функционира помалку добро и кога телото се обидува да се ослободи од разни штетни супстанции. Доколку забележите вакви промени, се препорачува да се консултирате со лекар.
Замастениот црн дроб обично не предизвикува симптоми на почетокот, но во потешки случаи може да доведе до сериозни проблеми, како што се воспаление на црниот дроб (стеатохепатитис) или цироза на црниот дроб.
Шест главни причини за замастен црн дроб
Нездрава исхрана
Прекумерната консумација на масна, висококалорична и индустриски преработена храна, како и прекумерната консумација на алкохол, може да доведат до акумулација на масти во црниот дроб.
Дебелина
Дебелината е еден од главните фактори на ризик за замастен црн дроб. Вишокот телесни масти, особено во абдоминалната област, значително го зголемува ризикот од оваа состојба.
Дијабетес
Дијабетесот тип 2 често се поврзува со замастен црн дроб. Зголеменото ниво на шеќер во крвта може да придонесе за акумулација на масти во црниот дроб.
Брзо губење на тежина
Брзото губење на тежина, како на пример по операција или екстремна диета, може да предизвика насобирање на масти во црниот дроб.
Други болести
Одредени болести, како што се заразни болести, цистична фиброза или некои метаболички нарушувања, исто така, можат да доведат до развој на замастен црн дроб.
Одредени лекови
Употребата на одредени лекови, вклучувајќи стероиди, антиретровирусни лекови и некои антиинфламаторни терапии, може да влијае на црниот дроб и да предизвика насобирање на масти.